Gimando sa korte sa South Korea ang pagdakop sa asawa sa napriso nga kanhi Presidente nga si Yoon Suk Yeol.
Mipagwas ang Seoul Central District Court og warrant of arrest alang kang Kim Keon Hee, kansa nag-atubang og lain-laing mga krimen lakip na ang bribery, stock manipulation ug interference sa pagpili sa mga kandidato.
Ang imbestigasyon kang Kim kabahin sa usa sa tulo ka espesyal nga prosecutor nga gilusad ubos sa bag-ong liberal nga gobyerno nga nagtarget sa pagka-Presidente ni Yoon.
Gitangtang si Yoon sa katungdanan niadtong Abril ug subling gidakop niadtong Hulyo human kini mipahamtang ug hamubo nga panahon sa martial law niadtong Disyembre.
Samtang wala na mihatag og pamahayag si Kim sa dihang miatubang kini sa korte ug gikustodiya sa detention center sa habagatang Seoul nga bulag sa prisohan ni Yoon.