Miabot na sa India si Pangulong Ferdinand Marcos Jr. para sa lima ka adlaw nga state visit.Milanding ang eroplano nga gisakyan sa pangulo sa Indira Gandhi International Airport sa New Delhi mga alas 2:20 sa hapon (oras sa India).
Kauban niya sa maong pagbisita ang First Lady Liza Araneta-Marcos ug ang iyang delegasyon, nga gisugat sa mga opisyal sa India ug gihalaran pa og tradisyonal nga Indian dance.Human niini, midiretso ang pangulo sa Taj Mahal Hotel alang sa courtesy call kang Indian External Affairs Minister Dr. S. Jaishankar ug nagpahigayon ug briefing kabahin sa iyang state visit.
Gilauman usab nga makigkita ang Pangulo sa mga Filipino Community nga nagpuyo sa India.Base sa datos sa Department of Foreign Affairs, adunay kapin 200 ka mga Pilipino nga kasagaran naa sa New Delhi, samtang adunay 1,356 ka rehistradong mga Filipino sa tibuok India.Karong adlawa, makigkita ang pangulo kang Indian President Droupadi Murmu.Adunay bilateral meeting si Pangulong Marcos ug si Indian Prime Minister Narendra Modi diin ilang hisgutan ang lig-on nga relasyon sa India ug Pilipinas.