Gisiguro ni Department of Justice (DOJ) Secretary Jesus Crispin Remulla nga patas ug ligal ang imbestigasyon kabahin sa reklamo nga murder ug serious illegal detention batok kang Charlie “Atong” Ang ug uban pa nga nalambigit sa kaso sa nawagtang nga mga sabungero.
Sa press conference gahapon, Biyernes, Agosto 1, gipasiugda ni Secretary Remulla nga importante ang due process ug dili sila maghusga dayon sa mga gireklamo samtang nagapadayon pa ang imbestigasyon.
Pormal nga gisumite sa mga paryente sa nahanaw nga mga sabungero ang maong reklamo batok kang Ang ug uban pa. Nangayo usab sila og hustisya alang sa ilang mga kapamilya nga hangtod karon wala pa makit-i.
Gidugang pa ni Remulla nga ang DOJ magpadayon sa patas nga pagtratar sa tanan nga may kalabutan sa maong krimen, ug nanganti nga hatagag kahigayunan ang tanang nalambigit nga mapakita sa ilang depensa.
Sa pagkakaron,padayon ang imbestigasyon sa maong kaso nga ginaatangan karon sa publiko, mga human rights groups sa tibuok nasud ilabi ang mga pamilya sa mga biktima.
Gibutyag usab niini nga ipadala ang mga narekober nga bukog sa gawas sa nasud alang sa tukmang pagsusi ug proseso.