Gidayeg ni Mamamayang Partylist Rep. Leila De Lima si Pangulong Ferdinand Marcos Jr. sa iyang isog nga pamahayag nga manubag ang mga opisyal sa likod sa palpak ug ghost palpak nga flood control projects sa nasud.
Matud ni De Lima sa pakighinabi sa Bombo Radyo niini, gibutyag ni De Lima nga pabor siya sa baruganan sa Pangulo diin gipunto niini nga bilyon-bilyon nga pondo ang nawala rason nga hingpit ang pag-antos sa katawhan gumikan sa kalamidad.
Gisugyot niining angay nga manubag ang mga opisyal nga nakigkunsabo sa mga kontraktor aron mangurakot.
Bisan pa niana, wala niya mahatagi og klaro nga grado ang SONA sa Pangulo kay daghang pamahayag nga kinahanglan pa i-fact check matud pa sama sa giingon nga pagpalapad nga serbisyo sa PhilHealth.
Gipahayag usab ni De Lima nga kulang ang SONA ug isip miyembro sa minority, mopadayon siya nga fiscalizer diin nagpasabot nga mosupak sa sayop nga pamaagi kon pagdumala ug mudapig sa hustisya.