Gibasura sa Korte Suprema ang reklamo sa impeachment batok sa usa ka halangdong opisyal tungod sa seryoso nga mga legal nga kakulian nga supak sa balaod ug Konstitusyon.
Sa usa ka pakighinabi sa Bombo Radyo Malaybalay, gipasabot sa legal nga eksperto nga si Atty. Race del Rosario, RN nga daghang legal nga rason ang gilatid sa Korte Suprema sa pagbasura sa impeachment case batok ni Vice President Sara Duterte.
Una niini mao ang paglapas sa “one-year bar rule”, diin giingon nga ang pagpasaka og laing impeachment complaint sulod sa usa ka tuig gikan sa miaging reklamo supak sa balaod. Ikaduha, gibutyag nga wala matuman ang due process, usa sa mga batakang prinsipyo sa hustisya.
Dugang pa, gi-eksplikar sa maong legal nga eksperto nga ang 1987 Konstitusyon klaro nga nagtudlo sa proseso sa impeachment ug sa mga opisyal nga sakop lamang sa maong pamaagi.
Gipadayag sa maong eksperto nga ang tanang lakang sa impeachment kinahanglan mosubay sa balaod aron mapadayon ang integridad sa sistema sa gobyerno ug hustisya