Mipahinumdom ang legal nga eksperto sa pagtahod sa desisyon sa Korte Suprema taliwala sa kabalakang abuso.

Gipadayag ang kabalaka sa posibleng epekto sa desisyon sa Korte Suprema nga gilauman untang magpanalipod sa kamatuoran ug magpabiling patas bisan batok pa sa taas nga opisyal sa nasud.

Sa pakighinabi sa Bombo Radyo Malaybalay, miingon si Atty. Eddie Cuarisma, usa ka legal expert, nga bisan pa og ang desisyon sa Korte Suprema angay respetohon, dili malikayan ang kabalaka sa publiko.

Matod pa niini, ang korte mao ang katapusang depensa sa kamatuoran ug hustisya  nga dapat walay ginadapigan ug walay pabor-pabor sa bisan kinsa pa ang masalmot.

Gihingusgan ni Cuarisma nga ang integridad sa hustisya magpabiling lig-on kon kanunay masunod ang proseso nga patas ug walay pag-abuso.