Gipadayag ni Supreme Court (SC) court spokesperson Atty. Camille Ting nga unconstitutional ang mga articles of impeachment batok kang Vice President Sara Duterte.Gidesisyunan sa SC nga ang reklamo sa impeachment batok ni VP Sara Duterte diin nakalapas sa one-year rule diin ang due process o patas nga proseso kinahanglan sundon sa tanang hugna sa impeachment.
Ang maong desisyon adunay kalabotan sa consolidated petition nga gisang-at ni Duterte, pinaagi sa iyang abogado nga si Israelito Torreon, ug ubang reklamante nga ideklarar nga wala’y bili ang mga artikulo sa impeachment batok kaniya.Mahinumduman nga tulo ka impeachment complaints ang gipasaka batok kang Duterte niadtong Disyembre 2024, nga may kalambigitan sa giingong sayop nga paggamit sa confidential funds. Ang ika-upat nga complaint, nga gisang-at ug gi-endorso sa kapin one-third sa mga miyembro sa House of Representatives, kansa mao ang gipadala sa Senado alang sa sunod nga mga proseso.
Kabahin niini mipagawas ug pamahayag ang palasyo pinaagi ni Presidential spokesperson Atty. Claire Castro nga gipaabot pa sa Malacañang ang pinal nga desisyon kalabot sa nahimong ruling sa Korte Suprema, nga nagdeklarar nga wala mahisubay sa batakang balaod ang mga Articles of Impeachment nga gipasa sa House of Representatives ngadtu sa Senado.
Matod ni Atty. Castro, importante nga mahatagan og hustong pagtimbang-timbang ang legal nga implikasyon sa maong desisyon sa taas nga hukmanan, ilabi na sa proseso sa impeachment nga usa sa pinakataas nga pamaagi aron langkaton sa pwesto ang mga dagkung opisyal sa nasud.