Gikakurat sa publiko ang desisyon sa Korte Suprema sa pagdeklarar nga ‘unconstitutional’ ang impeachment case batok sa Bise Presidente. Gipagawas sa Korte Suprema ang unanimous decision nga nagbasura sa Articles of Impeachment batok kang Vice President Sara Duterte, nga gi-kwestyon sa daghang eksperto nga nakalapas sa mga probisyon sa 1987 Konstitusyon.
Sa pakighinabi sa Bombo Radyo Malaybalay, gisaysay ni Atty. Oscar S. Moreno, usa ka legal expert, nga ang impeachment case mahitabo lamang nga isumite sulod sa usa ka tuig. Dugang pa niini ang ika-upat nga impeachment complaint nga gisumite sa Senado, nga naglangkob sa Articles of Impeachment, nakalapas sa mga nasangpit nga regulasyon.
Gi-klaro pa ni Moreno nga ang maong legal nga isyu nagpaila nga kinahanglan klarohon ang mga constitutional limits sa proseso sa impeachment aron mapugngan ang posibilidad sa pag-abuso niini. Sa pagkakaron, gipasidunggan ang desisyon sa Korte Suprema nga nagpanalipod sa integridad sa Konstitusyon diin naghatag sa pagpanalipod batok sa dili angay nga paggamit sa impeachment process.