Gitaban sa usa ka 55-anyos nga lalaki ang uyab sa iyang menor de edad nga anak ug midagan uban sa tanang alahas ug ipon sa pamilya.
Giila ang lalaki isip si Shakeel, usa ka amahan sa unom ug lolo sa tulo ka mga apo, nga miikyas padulong sa Delhi uban sa 22-anyos nga babaye nga si Ayesha (di tinuod nga ngalan), nga unta pakaslan sa iyang 17-anyos nga anak nga si Aman (di usab tinuod nga ngalan).
Gipadayag sa asawa ni Shakeel nga si Shabbana nga ang iyang bana mismo ang mipugos nga itulod ang kasal sa ilang anak ug ni Ayesha, bisan pa man sa ilang kalisod sa panalapi ug kabatan-on sa ilang anak.
Nasorpresa ang pamilya dihang mitawag si Shakeel gikan sa Delhi ug mipahibalo nga siya na mismo ang magminyo ni Ayesha.
Gipasabot usab ni Shabbana nga sige og bisita si Shakeel kang Ayesha samtang nag-andam sa kasal, ug dugay na siyang nagduda nga adunay espesyal nga relasyon ang duha.
Misuway siya sa pagbadlong sa iyang bana, apan giatubang kini og kasuko ug gikastigo pa siya.
Nahisama kini sa nahitabo sa laing bahin sa India pipila ka buwan ang milabay, diin usa ka lalaki ang nanguyab ug naminyo sa inahan sa iyang pangasaw-onon siyam ka adlaw sa wala pa ang ilang kasal.