Makasaysayan ang pagbalik sa entablado ni Filipino-American singer Jessica Sanchez sa usa ka talent program pagkahuman sa duha ka dekada.
Nakuha niini ang Golden Buzzer gikan ni Sofía Vergara human sa iyang makatandog nga audition.
Gikanta ni Sanchez ang “Beautiful Things” ni Benson Boone, nga nakadawat ug standing ovation gikan sa audience ug sa tanang hurado nga sila Sofía Vergara, Simon Cowell, Mel B, ug Howie Mandel.
Matud pa ni Jessica, 10 anyos pa lang siya miapil na kini sa Season 1 sa usa ka talent program, diin nakaabot siya sa semi-finals.
Gipaambit usab niya ang iyang kasinatian sa pagbiya ug pagbabalik sa kalibutan sa musika.
Gipadayag ni Sanchez, nga human sa kapin duha ka dekada, klaro na kaniya ang tinguha ug unsa ang iyang tinuod nga gustong buhaton.
Malipayong gibutyag ni Sanchez nga andam na siya sa iyang pagbabalik.
Dugang pa niini, kasado na siya karon ug nagpaabot sa ilang unang anak.
Sa pikas bahin, emosyonal si Sofía Vergara sa wala pa niya gituplok ang Golden Buzzer.
Matud ni Vergara ang iyang kalipay sa pagsaulog sa ika-20th nga anibersaryo ug season sa programa, nga midungan sa makasaysayan nga pagbalik ni Jessica Sanchez human sa 20 ka tuig.
Gibati usab niini ang kadasig ug kalipay alang ni Jessica nga karon usa nga andam nga mahimong inahan.
Giila ni Vergara nga espesyal ang maong higayon ug angayan si Sanchez sa Golden Buzzer.