Abante na sa pre-qualifying tournament sa FIBA Basketball Women’s World Cup 2026 ang Gilas Pilipinas Women.
Malampuson nga napildi sa Gilas Women ang Lebanon sa iskor nga 73-70 sa ilang panagsangka sa 2025 FIBA Women’s Asia Cup nga gipahigayon sa China.
Nangulo sa kadaugan sa team si Naomi Panganiban nga nakaposte ug 15 ka puntos, upat ka rebounds ug tulo ka assists.
Nakatampo usab si Jack Animam og 14 ka puntos.
Mihatag usab og kontribusyon si Sumayah Sugapong og 14 ka puntos, si Vanessa de Jesus og 13 puntos, ug si Kacey Dela Rosa og 10 puntos.
Adunay usa ka puntos nga labaw ang Gilas, 71-70, sa nahibilin nga 8.3 segundos sa duwa, apan nasulod ni Panganiban ang duha ka free throws gikan sa foul line nga mipalapad sa labaw ngadto sa 73-70.
Kini ang unang kadaugan sa Gilas Women human sila mapildi batok sa Australia ug Japan. Sulod na sila sa playoffs ug sunod nga maka-atbang ang number 2 ranked team sa Group A.