Girekomenda ni forensic pathologist Dr. Raquel Fortun nga ipalawom sa x-ray ang sako nga gituohan nga bukog narekober sa Taal lake una kini ablihan.
Dugang pa niini, nga importante ang pag-x-ray una sa mga butang alang sa resulta sa himuong pagsusi.
Giklaro usab ni Fortun nga wala kini naghimo sa serbisyo sa gipahigayun nga laboratory test sa mga sako nga narekober sa Taal lake.
Matud ni National Bureau of Investigation Director Jaime B. Santiago ang team sa ahensya ang magpasiugda sa pagsusi sa mga narekober nga sako.
Dugang pa niini, mipahayag si Fortun nga ang paghimo sa forensic investigation gamit ang forensic science mamahimong mahibaw-an ang mga nanag-iya sa mga bukog.
Gikabalaka usab ni Fortun,ang paghawid og pag-abli sa sako nga gituohang mga bukog diin maka kompromiso sa scene ug makaapekto sa resulta sa eksaminasyon.
Sa pikas bahin, mibutyag ang whistleblower nga si Julie “Totoy” Patidongan, sa mga bag-ong rebelasyon diin gikidnap ang mga sabungero og gipatay sa usa ka slaughterhouse doul sa fish pond sa Laurel, Batangas.
Pipila sa mga biktima niini nga nalambigit sa game fixing og gilabay sa Taal lake, una nga gipahayag ni Alyas “Totoy” ang uban nga patayng lawas sa sabungero gibutangan og sako nga adunay sulod nga balas aron dili kini mulutaw sa ibabaw sa tubig.
Dugang pa niini, nga ginakidnap sa mga suspek ang mga sabungero og kuhaon ang bayad nga P500,000.00 og pamatyon, bisan paman bata, buros o kinsa man og walay ibilin niini.
Dugang pa ni alyas ‘Totoy’ nga adunay mga pulis nga nalambigit sa kaso nga gusto na magpakita ug ibutyag ang mga nasayran og makigtimbayayong sa mga awtoridad.
Usa niini nga gitawag nga “Vito,” usa ka lieutenant colonel nga nahimong lider ug gibayaran sa kantidad nga P2 milyon pesos matag buwan alang sa serbisyo niini.
Samtang naka skedyul si Alyas Totoy sa pagsumite sa iyang official affidavit kabahin sa mga nangawala nga sabungero.