Mikabat na sa 8 ang naluwas sa 21 ka Filipino crew members sa MV Eternity usa ka seafarer nga barko, human giatake sa mga Houthi rebels ang Liberia-flagged bulk carrier sa Red Sea niadtong Huwebes.
Samtang padayon ang gipahigayon nga rescue operation, naglaum ang ahensya sa Department of Migrant Workers (DMW) nga buhi ug luwas ang lain pang 13 ka mga Pinoy.
Kini human nagpagawas og bag-ohay lamang nga report diin gituohang 3 ang gipatay sa 22 ka miyembro sa crew samtang gidagit ang uban ug anaa karon sa kustudiya sa Iran-Islamist group.
Dugang pa, gikataho usab nga 21 niini ang mga Pinoy lakip ang kapitan sa 22 ka crew, samtang 1 ninin ang Russian.
Nagpaabot usab ang kalihim sa DMW nga si secretary Hans leo Cacdac, nga andam na ang igadalit nga hinabang ngadto sa mga naluwas nga mga biktima sama sa tabang pinansyal ug medikal.
Padayon usab ang pagkuha nila og mga detalye o impormasyon kabahin sa insidente ug sa kahimtang sa 3 ka biktima nga giingong namatay atol sa pagpangatake lakip na ang mga nahibiling biktima nga anaa sa kamot sa mga rebelde.