Nag-awas ang kalipay ug kilig sa mga netizens sa social media human nag-uban pag-usab sa entablado ang kaniadtong magkarelasyon nga sila Robi Domingo ug Gretchen Ho, atol sa “Pagdiriwang ng Pag-asa: The Alay Kapwa Benefit Concert” nga gipahigayon sa Araneta Coliseum.
Sa maong charity concert, makita ang malipayong pagtinabangay ug pagbinuang sa duha isip co-hosts, nga naghatag og dakong kalipay sa ilang mga fans nga dugay nang naghandom sa ilang love team nga “RobiChen.”
Usa sab ka TikTok clip nga mi-viral diin nakaangkon kini og kapin sa 800,000 ka views, nga nagpakita sa ilang kataw-anan ug makalingaw nga panaghisgutay.
Bisan pa nga minyo na si Robi Domingo sa iyang non-showbiz kapikas nga si Maiqui Pineda, daghan gihapon ang nalipay ug nakabati og kilig sa ilang pagpakita og balik nga magkauban.
Ang ilang reunion sa stage nahimong timaan nga bisan pa sa pagkahuman sa relasyon, magpabilin ang respeto ug pakighimamat, nga naghatag og positibo nga mensahe sa tanang fans ug followers sa duha.