Midugang ang Gilas Pilipinas og tune-up games sa isip preparasyon alang sa FIBA Asia Cup.
Matud ni Gilas Coach Tim Cone, nagkanayon nga makasangka nila ang Jordan karong Agosto 2 nga ipahigayon sa Jeddah, Saudi Arabia.
Ang maong tune-up games upat ka adlaw sa dili pa ang ilang unang dula sa torneyo batok sa Chinese-Taipei.
Dugang pa ni Cone, nga mihangyo ang Jordan nga magdula sila og tune-up kung mahimo.
Gilauman nga muhawa sa nasod ang Gilas karong Hulyo 31 ug sa isigida nga mosalmot dayon kini sa tune-up games.
Ang Jordan nga ika-upat sa 2022 FIBA Asia Cup nga gipahigayon sa Indonesia, anaa na sa Group C kauban ang China, India ug host country nga Saudi Arabia.
Sa dili pa sila ipadala sa Saudi Arabia karong Hulyo 28, ilang ikasangka ang Macau Black Bears.
Ang duwa sa Gilas Pilipinas batok sa Chinese Taipei magsugod sa Agosto 6 sa alas 2 sa kaadlawon.
Musunod ang dula niini sa Group D mao ang world number 22 New Zealand karong Agosto 7 sa alas 11 sa gabii sa oras sa Pilipinas.
Samtang ang ilang katapusang dula sa Gilas sa group stage mao ang batok sa Iraq karong Agosto 9 sa alas-4 sa hapon.