Padayon ang gihimong operasyon sa kapulisan sa tibuok rehiyon batok sa pagpamaligya sa mga illegal nga sigarilyo.
Matud ni Police Major Jayvee Babaan, tigpamaba sa Bukidnon Police Provincial Office, adunay mga nakumpiska nga smuggled nga sigarilyo ug padayon karon ang ilang paningkamot sa pagpangita sa responsable nga mg distributor niini.
Dugang pa ni Pmaj. Babaan, kanaunay ang ilang pagpahigayon sa mga checkpoint sulod ug gawas sa probinsya aron masiguro nga mapugngan ang pagsulod sa mga illegal nga produkto.
Gipahimangnoan usab ang mga tag-iya sa gagmay ug dagkong tindahan nga likayan ang pagbaligya sa mga dili legal nga sigarilyo aron malikayan ang dili maayong sangputanan niini.
Dugang pa, nga gipaabot usab karon ang kinatibuk-ang resulta sa mga operasyon sa kapulisan sa lain-laing bahin sa rehiyon aron mapalig-on pa ang kampanya kontra sa pagpakatap sa smuggled nga mga sigarilyo.