Sugdan na sa Pinay tennis star Alex Eala ang iyang pag-pangandam alang sa laing Grand Slam tournament, ang US Open, pinaagi sa pag-apil sa National Bank Open sa Canada, gikan sa Hulyo 26 hangtod Agosto 7.
Ang National Bank Open usa ka Women’s Tennis Association-1000 level tournament nga usa ka preparasyon alang kang Eala sa pag-salmot niini sa US Open, nga magsugod gikan sa Agosto 24 hangtod sa Septiyembre 7.
Kauban sa ranked 56 nga si Eala sa main draw sa National Bank Open ang pipila ka mga bantugangg pangalan sa tennis na sila Aryna Sabalenka sa Russia, Jessica Pegula ug Coco Gauff sa US, Iga Swiatek sa Poland ug Jasmine Paolini sa Italy nga mga Top 5 WTA players ning kasamtangan.
Kahinomduman nga nakadula si Eala sa French Open ug Wimbledon diin napildi kini samtang nakaabot siya sa finals sa Lexus Eastbourne Open.
Una nang miingon si Eala nga mopahuway usa kini sa nasud og pipila ka semana sa dili pa siya mobalik og praktis alang sa torneyo sa Canada.