Trump magpatuman og 25 porseyento nga buhis sa mga produkto gikan sa Japan ug South Korea

Gipahibalo ni US President Donald Trump ang pagpatuman sa 25 porsyentong buhis sa mga produkto nga gikan sa South Korea ug Japan.

Matod ni Trump, magsugod ang pagpangolekta sa maong bag-ong buhis sa Agosto 1.

Gipadalhan ni Trump og sulat ang mga lider sa duha ka nasod kabahin sa maong plano.

Gisugyot sa sulat nga seryoso si Trump sa iyang unang pamahayag sa pagpatuman sa maong taripa.

Plano usab sa White House nga padalhan og sulat ang ubang mga lider sa nasod gumikan sa hapit na matapos ang 90 ka adlaw nga dugang higayun alang sa agresibong taripa.