Babae nga wanted sa bouncing checks law, nasikop sa Joint Police Operation sa Valencia City

Nasikop sa usa ka joint police operation ang usa ka babaye nga wanted sa Violation of BP 22 o mas nailhan nga Bouncing Checks Law sa Purok-7, Barangay Batangan, Valencia City, Bukidnon.

Ang operasyon gipangulohan ni PLTCOL Bryan M. Panganiban, Hepe sa Valencia City Police Station (CPS), uban sa mga sakop sa 1003rd Maneuver Company, RMFB 10.

Ang ilang operasyon misangpot sa pag-arestar ni Jennelyn Beseos Apas, 44 anyos, minyo, mag-uuma, ug residente sa maong dapit.  Ang korte nagtudlo og bail bond nga naglkantidad og  P9,000.00 alang sa tulo ka kaso.

Sa pagkakaron, si Apas anaa na sa custodiya sa Valencia CPS alang sa dokumentasyon ug tukmang disposisyon.