Samdan ang usa ka 27-anyos nga lalaki human giingong gitigbas gamit ang sundang sa usa ka 81-anyos nga lalaki sa Purok 1, Barangay Upper Lilingayon, Valencia City, Bukidnon, takna sa alas 9:15 sa gabii kagahapong adlawa.
Matud sa inisyal nga imbestigasyon sa Valencia City Police Station, nag-inom matud pa ang biktima ug ang suspek sa pinuy-anan niini diin sa kaulahian sa dihang misilaob ang ilang panaglalis.
Atol sa ilang panagbangi, giingong gitigbas sa suspek ang biktima, nga nakaangkon og daghang samad sa ulo.
Nakalikay ang biktima aron mangayo og tabang ug gidala sa Valencia City Rescue Team sa pinakaduol nga ospital alang sa medikal nga pagtambal.
Ang biktima residente sa Barangay Kawayan, Lantapan, Bukidnon, samtang ang suspek nagpuyo sa maong lugar diin nahitabo ang insidente.
Samtang, nagpahigayon na og hot pursuit operation ang mga sakop sa Valencia City Police aron masubay ug madakpan ang suspek nga mikalagiw human sa insidente.