Natala sa France ang pinkaunang dokumentado nga kaso sa tao sa Shamonda virus, nga kasagarang makaapekto sa mga hayop sama sa baka.
Nasawi ang pasyente niadtong sayong bahin sa Oktubre samtang gitambalan sa Lyon tungod sa usa ka seryosong sakit ug grabeng pagkaluya sa immune system.
Gituohang natakdan ang pasyente pinaagi sa pinaakan sa gagmayng insekto nga nagdala sa virus, apan padayon pa ang imbestigasyon aron matino ang tinubdan sa impeksiyon ug ang posibleng paagi sa pagkatakod niini.
Gipahibalo na usab sa mga awtoridad sa France ang World Health Organization ug ang European Centre for Disease Prevention and Control (ECDC).
Bisan pa sa maong kaso, gipasalig sa mga awtoridad sa panglawas sa France nga base sa kasamtangang kahibalo, wala pay natino nga risgo sa panglawas sa kinatibuk-ang publiko.
Padayon usab nga gibantayan sa ECDC ang sitwasyon samtang nagpadayon ang mga imbestigasyon.