Gihatagan og 15 ka adlaw ang Senado, Kamara de Representantes, ug administrasyon ni Presidente Ferdinand Marcos Jr. aron maghain og mosyon alang sa pagrepaso sa desisyon sa Korte Suprema nga nagdeklarang supak sa Konstitusyon ang pipila ka probisyon sa national budget gikan sa 2024 hangtod 2026.
Matod ni Supreme Court Spokesperson Atty. Camille Sue Mae Ting, dili pa pinal ang desisyon ug mahimo pa kining kuwestiyonon pinaagi sa mosyon alang sa reconsideration, sugod sa pagdawat sa pahibalo sa desisyon.
Gipasabot usab ni Ting nga wala hisgoti sa maong kaso ang direktang pagpanubag sa Presidente.
Apan, sumala sa Korte Suprema, ang mga naghimo o nagpatuman sa mga unprogrammed appropriations nga supak sa Konstitusyon mahimong manubag sa sibil, kriminal o administratibong paagi kung mapamatud-an nga wala sila molihok sa maayong pagtuo.
Kinahanglan kini ipasaka sa lahi ug tukmang tribunal.