Kapitan sa Casisang, nanawagan sa gobernador nga aksyunan ang pagtratar sa pasyente sa Provincial Hospital

Nanawagan si Barangay Casisang, Malaybalay City, Bukidnon Kapitan Gregorio D. Jaroy sa gobernador nga badlongon ang mga kawani sa Provincial Hospital nga giingong dili maayong pagtratar sa pasyente nga ilang gidala sa maong pasilidad.

Matud ni Jaroy, nagdala sila og pasyente nga nag-antos sa sakit sa tiyan apan giingong gibadlong sila sa mga kawani, bisan pa sa emerhensiyang kahimtang sa pasyente.

Gipasiugda sa kapitan nga ang mga kawani sa ospital isip mga public servant angay nga magpakita og respeto ug mangitag paagi sa pag-atiman sa mga pasyente, bisan pa og puno ang pasilidad.

Nanghinaut si Jaroy nga dili na mausab ang maong insidente ug masiguro ang maayong pag-atiman sa mga pasyente.