Ernie Gawilan nasungkit ang silver medal sa Asian Para Games sa Japan

Nasungkit sa beteranong Filipino para-swimmer nga si Ernie Gawilan ang silver medal sa men’s 200-meter individual medley SM7 sa nagpadayon nga 5th Asian Para Games sa Nagoya, Japan.

Nagtala og oras nga 2 minutos ug 52.72 ka segundo si Gawilan aron idugang ang maong medalya sa una na niyang naani nga bulawan sa maong kompetisyon. Gipahayag sa kampiyon ang iyang dakong kalipay sa iyang gipakitang pasundayag nga mas maayo kumpara sa iyang rekord sa miaging edisyon sa patimpalak.

Gipadayag usab ni Gawilan ang iyang paglaum nga ang iyang kalampusan magsilbing inspirasyon sa mga kapwa persons with disability (PWD) nga dili mawad-an og paglaum samtang padayon siyang nagapangandam alang sa iyang nahabiling kategorya sa 100-meter backstroke.