Talagsaong bituon nga posibleng mosidlak og berde, nadiskobrehan sa mga Astronomo

Nadiskobrehan sa mga astronomo ang usa ka talagsaong white dwarf star nga posibleng makita nga berde ang kolor, usa ka talagsaong panghitabo sa pagtuon sa mga nahibiling bituon human sa ilang kataposang yugto sa kinabuhi.

Ang bituon nga gitawag og WD J1330+6435 nahimutang mga 280 ka light-years gikan sa Yuta. Sumala sa mga tigdukiduki, ang calcium, lithium ug sodium sa dasok nga atmospera niini maoy posibleng hinungdan sa talagsaong kolor niini.

Pinaagi sa pagtuon sa kahayag ug spectrum sa kapin 150 ka white dwarf stars, nakit-an usab sa mga siyentista ang ubang bituon nga posibleng adunay dalag, purpura ug rosas nga kolor.

Gipatik ang maong pagtuon niadtong Oktubre 15, 2026, sa RAS Techniques and Instruments.