Magpakaylap ang United Kingdom (UK) og mga fighter jet aron panalipdan ang Saudi Arabia batok sa mga pag-atake sa Houthi rebels nga nakabase sa Yemen.
Matud sa UK Defense Ministry, mogamit ang Royal Air Force og Typhoon fighter jets alang sa defensive counter-air missions aron maprotektahan ang Saudi Arabia.
Kaya sa maong mga fighter jet nga interceptahon ang mga missile ug drone nga posibleng gamiton sa pag-atake sa maong nasud.
Sa milabayng mga bulan, gipakusog sa Houthis ang ilang mga pag-atake sa Saudi Arabia pinaagi sa ballistic missiles ug mga drone.
Lakip sa ilang mga target ang importanteng imprastraktura sama sa mga pasilidad sa lana ug mga tugpahanan.
Una nang naghatag ang UK og suporta sa air-to-air refueling sa Saudi Arabia, ingon man nagpadala og mga kagamitan sa air defense ug mga personnel sa Britanya aron motabang sa pagpanalipod sa maong gingharian.