Gihangyo ang administrasyon ni Presidente Ferdinand Marcos Jr. nga timbangon ang relasyon sa China ug ang nasudnong interes sa Pilipinas human sa kontrobersiyal nga pahayag sa Chinese Ambassador, ilabina sa posibleng epekto niini sa mga Pilipinong nagtrabaho sa maong nasud.
Gipahinumdoman usab nga dako ang kontribusyon sa China ug kinahanglan ikonsiderar ang kahimtang sa mga Overseas Filipino Workers o OFWs nga nagpuyo ug nagtrabaho didto.
Bisan pa niini, gikondena ang mga pahayag nga giisip nga hulga batok sa Pilipinas, nga matud pa dili angay dawaton sa mga Pilipino ug sa ilang mga opisyal.
Giawhag usab nga tugotan ang Embahada ug ang Department of Foreign Affairs nga mangita og paagi aron masulbad ang kontrobersiya pinaagi sa hustong diplomatikong pamaagi.