Gipaabot sa prosekusyon sa impeachment trial ni Vice President Sara Duterte ang katin-awan sa depensa kalabot sa ₱200,000 nga credit card transactions ni Atty. Mans Carpio, nga giingong gigasto sa pagkaon sa gawas.
Matud pa sa usa sa mga miyembro sa prosekusyon, dili lamang ang isyu sa banana chips ang ilang giandam nga tubagon, kondili lakip usab ang mga transaksiyon sa credit card nga ilang gikuwestiyon.
Gipangutana usab sa prosekusyon kon kasagarang makaabot ba sa maong kantidad ang gasto sa usa ka ordinaryong pamilyang Pilipino alang sa mga kasaulogan sama sa debut, kasal ug ika-60 nga adlawng natawhan.
Dugang sa prosekusyon, gikinahanglan nila ang katin-awan sa depensa sa giingong dakong kantidad sa usa lamang ka pagkaon sa gawas, bisan pa sa pagpasabot nga daghan silang kauban.