- Advertisement -
Nagpagawas og mga bag-ong hulagway ang North Korea sa ilang lider nga si Kim Jong Un aron pahimakakon ug sumpoon ang mga naglutawlutaw nga hungihong nga pumanaw na kini,.
Base sa mga gipagawas nga imahe sa Korean Central News Agency (KCNA), makikitang mibisita si Kim Jong Un sa usa ka exhibition sa sinina ug sapatos sa Pyongyang niadtong Oktubre 19 kauban ang iyang asawang si Ri Sol Ju ug anak nga si Kim Ju Ae. Gipasundayag usab ang laing pagbisita niya sa usa ka museo niadtong Oktubre 11.
Una nang mikaylap sa nagkalainlaing online platforms ang maong mga hungihong human nga wala makita sa publiko si Kim sulod sa pipila ka mga semana, nga maoy naghatag og pasikaranan sa mga nag-unang balita mahitungod sa iyang kahimtang sa panglawas.
- Advertisement -