Ernie Gawilan, Nasungkit ang Unang Bulawan sa Pilipinas sa 5th Asian Para Games

Nasungkit sa veteran Filipino para-swimmer nga si Ernie Gawilan ang kauna-unahang gintong medalya sa Pilipinas sa nagpadayon nga 5th Asian Para Games sa Nagoya, Japan.

Nanguna ang 35-anyos nga lumad nga taga-Davao City sa final sa men’s 400-meter freestyle S7 pinaagi sa iyang oras nga 4 ka minuto ug 56.72 ka segundo, diin napilde niya ang pambato sa China nga si Zhang Yilong ug ang Singaporean nga si Toh Wei Soong. Kini na ang ikatulo nga sunod-sunod nga ginto ni Gawilan sa maong kategorya ug iyang ikalimang ginto sa kinatibuk-an sa kasaysayan sa Asian Para Games.

Gawas sa garbo sa nasud, ang maong kadaugan naghatag usab kang Gawilan og direktang pwesto ug kwalipikasyon alang sa 2028 Los Angeles Paralympics.