Higanteng hair dryer nga gihimo sa engineer sa UK, nakatala ug Guinness World Records

Gikan sa ideya sa mga bata, nahimong pinakadakong hair dryer sa kalibotan ang usa ka imbensiyon sa United Kingdom nga nakasulod sa Guinness World Records 2027.

Ang maong higanteng hair dryer gihimo sa grupo sa Kids Invent Stuff ubos sa pagdumala sa imbentor nga si Ruth Amos, base sa disenyo nga gisugyot sa mga bata.

Mikabat kini sa 1.75 metros ang gitas-on ug 1.6 metros ang kataas, halos pito ka pilo sa gidak-on sa kasagarang hair dryer nga gigamit sa balay.

Pinaagi sa maong proyekto, gipakita nga ang mga ideya sa mga bata mahimong matuman pinaagi sa pagkamamugnaon ug tabang sa mga eksperto sa engineering.