Babae sa Amerika, nakarekord og 3,451 ka finger puppets

Narekober ni Cheralyn Lambeth, usa ka propesyonal nga magbubuhat og puppet gikan sa North Carolina, Estados Unidos, ang iyang Guinness World Records title alang sa pinakadakong koleksiyon sa finger puppets human mikabat sa 3,451 ka piraso ang iyang koleksiyon.

Nagsugod ang iyang pagpangolekta atol sa pandemya sa COVID-19, diin naghimo siya og gagmayng puppet isip lingawlingaw ug proyekto alang sa mga ginikanan ug kabataan.

Gawas sa iyang kaugalingong mga binuhat, nakakuha usab siya og mga puppet gikan sa mga karaang tindahan, flea market ug mga higala sa lainlaing nasod.

Dili pa plano ni Lambeth nga mohunong sa iyang pagpangolekta ug paghimo og mga puppet, ilabi na kay nahimo na kining kabahin sa iyang dugay nang hilig sa puppet arts.