Gikondena sa pipila ka senador ang giingong mahulgaon ug dili diplomatiko nga pamahayag ni Chinese Ambassador to the Philippines Jing Quan kalabot sa panagbangi sa West Philippine Sea.
Mitubag ang Chinese Embassy sa mga kritiko ug gihulagway nga pagpanghambog ug pagpangitag pagtagad sa publiko ang ilang mga pahayag, samtang gisaway usab ang panawagang ideklarang persona non grata ang embahador.
Matud pa ni Senate President Win Gatchalian, angay nga mangayo og pasaylo si Jing sa iyang pamahayag nga dali rang mapildi sa China ang Pilipinas kon mogamit kini og puwersa.
Samtang, gipahinumdoman ni Senator Jinggoy Estrada nga angay nga mopadayon ang Pilipinas sa pagprotesta apan dili sirad-an ang agianan sa dayalogo tali sa duha ka nasod.
Sa laing bahin, miingon ang tigpamaba sa Chinese Foreign Ministry nga tinguha sa China nga mapalig-on pa ang relasyon sa Pilipinas.
Nagpaabot pa og tubag ang Malacañang ug Department of Foreign Affairs kalabot sa maong isyu.