AI reenactment nagpakita sa posibleng hinungdan sa sunog sa MV June Aster

Gipakita sa Bureau of Fire Protection (BFP) pinaagi sa artificial intelligence (AI) reenactment ang posibleng pagsugod sa sunog sa barkong MV June Aster nga nahitabo duol sa Coron, Palawan niadtong Septiyembre 9, 2026, ug miresulta sa kamatayon sa 77 ka pasahero.

Sa presentasyon atol sa press briefing sa Palasyo, gipatin-aw nga posibleng misilaob ang sunog tungod sa pagsagol sa aspalto ug chlorine nga kargamento sa barko nga gibutang duol sa exhaust sa makina.

Posible usab nga ang aso gikan sa sunog maoy hinungdan sa pagkalumos sa mga biktima sa wala pa sila makalingkawas sa nagdilaab nga barko.

Sa pinakabag-ong datos sa Philippine Coast Guard (PCG), 66 sa 77 ka namatay ang nailhan na ang pagkatawo, samtang 11 ang padayon pang giila.