Usa ka 61-anyos nga lola ang mikulit og bag-ong kasaysayan human niya gihimo ang labing taas nga pag-plank para sa mga babaye, diin nakaya niya kini sa sulod sa lima ka oras, kuwarenta ug singko minutos, ug kinse segundos (5:45:15) aron makuha ang Guinness World Record.
Si DonnaJean Wilde gikan sa Canada ang nipakita sa iyang talagsaong kusog ug dedikasyon.
Tungod sa iyang kalampusan, nalabwan niya ang kaniadto rekord nga gihuptan sab sa usa ka babaye ug napamatud-an nga walay gipili nga edad ang kalig-on sa lawas ug determinasyon.
Aron makab-ot kini nga garbo, giangkon sa maong lola nga dili basta-basta ang gihimong pagpangandam ug sakripisyo.
Matud pa niya, dakong tabang ang suporta sa iyang pamilya ug mga apo nga maoy naghatag kaniya og kusog samtang giantos ang kasakit sa lawas sa matag minuto nga pag-hold sa planking position.