Cargo ships naigo sa drone strike sa baybayon sa Bulgaria

Duha ka commercial nga cargo ship ang gipabuthan duol sa baybayon sa Bulgaria didto sa Black Sea kagahapong adlawa.

Tungod sa maong pag-atake, padayon karong gipangita ang 11 ka tripulante nga nagpabiling missing. Sumala ni Bulgarian Prime Minister Rumen Radev, kabahin gihapon kini sa nagadayong gubat tali sa Russia ug Ukraine.

Dali nga naluwas ang tanang 15 ka tripulante sa Ukrainian cargo ship nga Chelsea 3 human kini maigo sa tulo ka Russian drone.

Apan sa ikaduhang barko nga HS Dignity, lima lang sa mga sakay ang naluwas samtang missing gihapon ang 11 ka tawo.

Tungod sa maong panghitabo, gipatkusgan karon sa NATO, European Union, ug mga kagamhanan sa Ukraine ug Bulgaria ang ilang pagbantay sa seguridad sa maong kadagatan.