Mikunhod og 88.5 porsiyento ang bayad sa utang sa administrasyong Marcos ngadto sa ₱76.12 bilyon niadtong Agosto, gikan sa ₱664.72 bilyon sa samang bulan niadtong 2025, tungod sa pagkunhod sa bayad sa prinsipal nga utang.
Matud pa sa Bureau of the Treasury (BTr), mikunhod ngadto sa ₱10.5 bilyon ang bayad sa prinsipal sa utang, diin mas ubos og 98.3 porsiyento tandi sa ₱601.62 bilyon sa miaging tuig. Samtang, misaka og dul-an upat ka porsiyento ang bayad sa interes ngadto sa ₱65.62 bilyon gikan sa ₱63.12 bilyon sa Agosto 2025.
Kadaghanan niini, o ₱56.12 bilyon, gibayad sa mga nagpautang sulod sa nasud, samtang ₱9.49 bilyon ang interes nga gibayad sa mga langyaw nga nagpautang.
Sa kinatibuk-an, mikunhod og 6.4 porsiyento ngadto sa ₱1.44 trilyon ang bayad sa utang sa gobyerno gikan Enero hangtod Agosto 2026.
Bisan pa niini, misaka sa rekord nga ₱19.61 trilyon ang kinatibuk-ang utang sa nasud sa kataposan sa Agosto.