Best Gun Branches collection, makaplagan sa Amsterdam

Makaplagan sa Amsterdam ang usa ka makahimuot nga koleksiyon sa mga sanga sa kahoy nga susama sa pusil, nga gikolekta sa artist nga si Maarten Brikman.

Matud ni Brikman, wala niini ukita o usba ang porma sa mga sanga kay natural na kining susama sa pusil.

Ginganlan niya ang koleksiyon og “My Best Gun Branches” ug gipakita kini sa Amsterdam.

Alang kaniya, ang maong koleksiyon nagpahinumdom nga lahi-lahi ang pagtan-aw sa tawo sa mga butang, depende sa ilang naandan ug nasinati.

Nagpakita usab kini nga usahay, ang ordinaryong butang mahimong makapukaw sa talagsaong hunahuna ug pagkamamugnaon.