Nagkatigom ang mga supporters kon tigpaluyo ni kanhi Pakistan Prime Minister Imran Khan aron manawagan sa iyang kagawasan.
Gibutyag sa pamilya sa 74-anyos nga si Khan nga hapit na matud pa mabuta sa tuo nga mata, apan wala pay gihimong lakang ang mga opisyal sa prisohan.
Ang kanhing cricket star nga nahimong politiko, nag-atubang og kapin 100 ka kaso ug gisentensiyahan og kapin 17 ka tuig nga pagkabilanggo tungod sa korapsyon sa niaging tuig.
Lakip sa mga kaso batok kaniya ang pagpagawas matud pa sa sekreto sa estado pinaagi sa pagbaligya sa mga gasa sa gobyerno.
Gibillanggo si Khan niadtong Agosto 2023, kauban ang iyang asawa nga si Bushra Bibi.
Samtang, gipakatag na ang mga pulis palibot sa prisohan diin gihuptan si Khan aron malikayan ang posibleng kagubot ug mapanalipdan ang ubang mga piniriso.