Mipagawas sa ultimatum ang Malaybalay City Water District kon MCWD batok sa PrimeWater human mapakyas kini sa paghatag og tarong nga serbisyo sa tubig, pinasikad sa kasabutan ubos sa joint venture agreement sa gobyerno.
Gipadala na ang notice of non-compliance o pre-termination notice ngadto sa kadagkuan sa kompanya, Sa pakighinabi sa Bombo Radyo Malaybalay ngadto kang Engr. Nolito Binahon, General Manager sa Malaybalay Water District, gipasabot niini nga ang tinguha sa maong kasabutan mao unta ang pagpalambo sa serbisyo pinaagi sa partisipasyon sa pribadong sektor, apan gikasubo nga wala kini matuman sa PrimeWater. Lakip sa mga kakulian nga gitumbok mao ang kakuwang sa water supply, mga kinahanglanon nga rehabilitasyon sa mga linya sa tubig, ug ang pag-upgrade sa reservoir ug water treatment facilities.
Gipangayoan usab ang management sa PrimeWater nga buhaton ang gikinahanglan nga kalihukan aron masulbad ang problema ug malikayan ang posibleng pag-kanse,a sa ilang kontrata. Gilauman sa publiko ug lokal nga panggamhanan nga hatagan kini og prayoridad aron masiguro ang limpyo ug adunay maayong suplay sa panubig sa mga katawhan.