Nimugna og dakong kalampusan ang Bukidnon Police Provincial Office (Buk PPO) matapos nadakpan ang tulo ka mga drug personality, lakip ang usa ka High Value Individual (HVI), ug nakasakmit og kapin ₱706,000 nga balor sa gitudlong shabu sa magkalahing buy-bust operations sa mga lungsod sa Kalilangan, Quezon, ug sa syudad sa Valencia niadtong Septiyembre 29, 2026.
Sa lungsod sa Kalilangan, nasikop sa mga awtoridad ang usa ka 45-anyos nga lalaki nga giisip nga HVI diha sa Purok 1, Barangay Central Poblacion, diin nakumpiska gikan kaniya ang tulo ka sachet sa gitudlong shabu nga nagtimbang og 96.76 gramo ug nagkantidad og ₱657,968, kauban ang usa ka Yamaha NMAX nga motorsiklo ug buy-bust money.
Samtang sa Valencia City, nadakpan sa Purok 17A, Hagkol, Poblacion ang usa ka Street Level Individual (SLI) nga nailhan sa alyas nga “Jetro,” 35 anyos, nga nakuhaan og 6.2 gramo sa gitudlong shabu nga nagbalor og ₱42,160. Sa laing bahin, nadakpan usab sa lungsod sa Quezon ang usa ka 19-anyos nga SLI diha sa Balangay 1B, Poblacion, matapos makuhaan og lima ka sachet sa gitudlong shabu nga nagkantidad og ₱6,120.
Subay sa taho nga gipagawas ni Buk PPO Director PCOL Oliver Sotto Navales ngadto kang Regional Director PBGEN Nestor C. Babagay Jr., ang tanang nadakpang suspek nagpabilin karon sa kustodiya sa matag lokal nga estasyonan sa kapolisan ug nag-atubang og kasong paglapas sa Sections 5 ug 11 sa Republic Act 9165, samtang ang mga nakumpiskang nga