5-anyos nga batang babaye natala isip pinakabatang yoga instructor

Natala sa Guinness World Records si Phoenix Giselle Hicks isip “youngest female yoga instructor” sa edad nga lima ka tuig ug 337 ka adlaw, human niya makompleto ang 200-hour Yoga Teacher Training course.

Nagsugod ang iyang hilig sa yoga sa dihang tulo pa lamang siya ka bulan ang edad ug gidala siya sa iyang inahan sa “Mommy and Me” yoga classes.

Sa kadugayan, nakat-on siya sa nagkalain-laing yoga poses ug nagsugod usab sa pagtudlo.

Karon nga walo na siya ka tuig, nagtudlo si Phoenix og yoga sa mga bata ug hamtong uban sa iyang inahan nga si Sydney sa Houston, Texas.