Duha na ka semana nga opisyal nga natangtang sa serbisyo ang kanhi pulis nga nag-alegar nga naghatod og bilyong piso nga salapi alang sa pamilya Duterte. Subay sa gipagawas nga pahayag sa Philippine National Police (PNP), epektibo pa kaniadtong Setyembre 11, 2026 ang pagtaktak sa serbisyo kang kanhi police corporal Rodolfo Gracioso Jr. may kalabutan sa three counts of less grave misconduct ug conduct unbecoming of a police officer.
Si Gracioso nagpaila nga kanhi security aide ni kanhi House Speaker Lord Allan Velasco ug nag-alegar nga nahimo siyang bagman nga naghatod og kapin ₱2 bilyon alang kang Vice President Sara Duterte ug sa iyang pamilya.
Gipanghimakak sa kampo ni Velasco ang maong mga alegasyon ug gipatugbaw nga walay gihuptang bahid sa korapsyon ang serbisyo sa kanhi Speaker, samtang si Gracioso mismo ang nag-atubang og daghang pormal nga reklamo. Una na usab nga gipanghimakak ni VP Sara nga nailhan niya ang maong kanhi pulis o nakatugyan man kini og salapi kaniya.
Sa kasamtangan, nagpahigayon na og imbestigasyon ang National Bureau of Investigation (NBI) kabahin sa maong mga pasangil ni Gracioso.