Mipatalisik ug misaka ang presyo sa lana sa kalibutanong merkado taliwala sa nagkagrabe nga tensyon sa Middle East ug sa pag-atake sa mga drone sa mga pasilidad sa petrolyo sa Saudi Arabia.
Subay sa datos gikan sa Mean of Platts Singapore, gipanlantawan ang dakong pagsaka sa presyo sa petrolyo diin posibleng mosaka hangtod ₱9.40 matag litro sa diesel, ₱4.40 sa gasolina, ug ₱7.90 sa kerosene.
Tungod niini, gipahibalo sa Department of Energy (DOE) nga nilapas na sa $80 kada bariles ang presyo sa Dubai crude—ang lebel diin mahimong isuspenso ang excise tax sa lana. Gitugyan na ni DOE Secretary Sharon Garin sa mga economic managers sa kagamhanan ug sa Development Budget Coordination Committee (DBCC) ang pormal nga pagdesisyon kon ipatuman ba ang pagsuspenso sa maong buhis.