Gisugyot ang balaodnon sa kamarabaha nga P50, 000 nga sweldo alang sa mga pampublikong magtutudlo.
Girepaso sa House of Representatives ang usa ka balaodnon nga nagtumong sa pag usbaw sa minimum wage sa mga public school teachers ngadto ₱50,000 matag bulan.
Giduso kini ubos sa House Bill 203 ni Rep. Antonio Tinio sa ACT Teachers party-list ug Rep. Renee Co sa Kabataan party-list niadtong Hunyo 30, unang adlaw sa ilang termino sa 20th Congress.
Gipasiugda sa mga magbabalaod nga bisan pa sa mga amendments sa Salary Standardization Law niadtong 2020 ug 2024, padayon gihapon ang kalisod sa mga magtutudlo sa pampublikong tunghaan tungod sa kulang nga sweldo nga dili igo sa panginahanglanon sa ilang pamilya.
Gibutyag sa explanatory note nga bisan ang mid-level nga mga magtutudlo diin adunay Salary Grade 11 ug nagadawat og P30,024 matag bulan, nagpabiling ubos sa family living wage nga gibana-banaang sa P1,217 matag adlaw.
Gikumpara usab sa mga primicpal author nga samtang ang sweldo sa mga pulis ug sundalo misaka sa 50% hangtod 100% sa administrasyon ni kanhi Presidente Rodrigo Duterte, apan ang mga magtutudlo nga adunay ranggo sa Teacher 1 hangtod Teacher 3 nga mga posisyon nakadawat lamang og 4.95% hangtod 5.6% nga umento.
Gipaningkamutan karon sa mga progresibong mambabalaod nga matubag ang dugay nang gipanawagan sa sektor sa edukasyon alang sa desenteng sweldo.