Sa opisyal nga pagsulod sa “Ber” months, gipaambit sa OPM icon nga si Jose Mari Chan ang iyang dulot nga pasalamat sa kapin lima ka dekada sa iyang karera sa musika, diin iyang gihulagway ang iyang talento isip usa ka “regalo pabalik sa Ginoo.”
Sa iyang pagtambong sa online show nga “Kuan On Juan” nga gidala ni Melai Cantiveros, gipahayag sa 81-anyos nga musikero nga bisan busy siya sa pagdumala sa negosyo sa asukar sa ilang pamilya ug wala makat-on sa pagbasa og music notes, nagpabilin ang iyang gugma sa musika nga napanunod niya sa iyang lola nga taga-Cebu.
Nagpasalamat usab ang nag-awit sa sikat nga “Christmas in Our Hearts” sa mga viral social media memes bahin sa iyang paglili o peeking matag pagsulod sa Setyembre. Gipahayag ni Chan nga nahimuot ug nalipay siya sa maong mga pagtulun-an ug giisip nga ang paghatag og kalipay sa katawhan pinaagi sa iyang mga kanta ang iyang pangunang paagi sa pagpasalamat sa Makagagahum.