Nagpadayon sa ikaduhang adlaw ang “go-slow strike” sa mga empleyado sa Jomo Kenyatta International Airport sa Nairobi, Kenya, hinungdan sa pagkabalda sa biyahe sa libo-libong pasahero.
Ang welga gipangunahan sa Kenya Aviation Workers’ Union o KAWU tungod sa wala pa masulbad nga mga isyu sa collective bargaining agreement, lakip ang ilang reklamo batok sa airport ug airline authorities.
Tungod niini, pipila ka flights paingon sa Nairobi ang gikansela samtang ang uban gi-reschedule tungod sa mga problema sa air traffic control.
Adunay mga pasahero nga milapas og 12 ka oras ang paghulat sa airport sa wala pa mahibaw-i nga gikansela o gibalhin sa sunod adlaw ang ilang flights.
Nagpadayon ang negosasyon tali sa KAWU ug mga opisyal sa gobyerno, apan nagpabiling epektibo ang welga samtang wala pa masulbad ang ilang mga gipangayo.