8 patay 12 missing human malunod ang usa ka passenger ferry sa baybayon sa Northern Cyprus

Walo ang kumpirmadong patay samtang 12 pa ang padayong gipangita human matumba ug naunlod ang usa ka passenger ferry sa baybayon sa Northern Cyprus.

Sumala sa mga otoridad, 259 ka pasahero ug walo ka tripulante ang sakay sa Filo Jet dihang naigo kini sa duha ka dagkong balod human mobiya sa Kyrenia.

Gipadayon ang search and rescue operation gamit ang mga helicopter ug coastguard boat gikan sa Northern Cyprus ug Turkey.

Gidakop ang kapitan ug pito ka tripulante alang sa imbestigasyon sa posibleng pagpasagad ug tukmang hinungdan sa insidente.

Kapin 100 ka pasahero ang malampusong naluwas sa baybayon.