WORLD / INTERNATIONAL — Gisugdan na sa mga awtoridad sa Nepal ang temporaryong paglubong sa mga biktima sa dakong pagbaha sa utlanan sa Nepal ug Tibet human nga napuno na ang mga morgue sa mga ospital sa maong nasod.
Tungod sa kalisod sa pag-ila sa mga lawas nga nagsugod na sa pagkadugta, gibutangan una kini og mga number tag, gikuhaan og hulagway ug DNA samples, ug giputos sa plastik sa wala pa gipanglubong sa mga temporaryong lubnganan.
Sa kasamtangan, miabot na sa kapin 675 ka tawo ang kumpirmadong namatay samtang kapin sa 2,400 pa ang nagpabiling nawala—lakip ang mga langyaw nga turista, mga deboto, ug mga trabahador sa hydropower. Tungod niini, nangayo na og dugang freezer units ug forensic testing kits ang gobyerno sa Nepal alang sa pag-ila sa mga biktima.