₱110 nga plete napulihan og $1,000 nga surpresa ni Manny Pacquiao

Nakurat ug nalipay pag-ayo ang usa ka drayber human hatagan ni boxing legend Manny Pacquiao og $1,000 o kapin ₱62,000 isip pasalamat sa iyang serbisyo.

Matud ni Pacquiao, migamit siya og riding app padulong sa iyang opisina sa Makati ug misaad nga hatagan niya og kuwarta ang unang drayber nga iyang masakyan.

Sa dihang miabot sila sa destinasyon, giingnan ni Pacquiao ang drayber nga hatagan niya kini og $1,000.

Dili matago sa drayber ang iyang kalipay ug miingon nga gusto siyang mohilak tungod sa dakong surpresa nga iyang nadawat.